Link1 Mandok Hata Huhuasi Di Gareja Sian Suhut Parboru
Syalom
Mauliate ma di Tuhanta, Mauliate ma nang dihita saluhutna.
Napinarsangapan amanta raja dohot inanta soripada. Namangalean tikki dibagas partikkian on. Ima di ulaon pamasu-masuon boru nami dohot hela nami.
Diharadeon ni roha muna amang raja dohot inang soripada di partikkian on. Dilehon hamudo tikki muna na arga i. Dinamandohoti ulaon pamasu-masuon ni boru nami dohot hela nami.
Alani tama situtu do hami sian bona hasuhuton mandok mauliate godang tu hamu rajani dongan tubu nami, boru, bere, ibebere. Nang songoni rajani dongan sahuta nami. Rajani hula-hula dohot tulang nami saluhutna.
Saluhutna ma hamu nahuparsangapi hami. Holan hata mauliate do naboi hupasahat hami bona hasuhuton. Asa Tuhanta ma namasu-masu hamu amang raja dohot inang soripada. Namangalean akka tikki na arga i tu hami.
Tarlumobi ma di hamu pangula ni huria nami. Amang pandita, parhalado, pangulani huria i. Holan hata mauliate do naboi hupasat hami tu hamu. Boi mardalan dohot denggan ulaon pamasu-masuon ni boru nami dohot hela nami.
Laos on ma gokkon dohot jou-jou nami tu hamu amang pandita, parhalado dohot naso sahat dope gokkon dohot jou-jou ni hami bona hasuhuton.
Dung sikkop hita sian bagas joro ni Tuhanta on. Asa rap udurma hita tu inganan naung pinarade ni amang boru nami. Ima dinalaho pasahat adat dohot manjalo adat nahombar di ulaon i.
Sai Tuhanta ma namasu-masu ulaonta sadarion. Boi mardalan dohot denggan dibagasan las niroha.
Marsangap ma Tuhanta di ulaonta sadarion. Horasma nang dihita saluhutna.
Botima hata sian hami suhut parboru.
Mauliate.
0 comments:
Posting Komentar