1) Mangerbang bunga-bunga diparnangkok ni mata ni ari;
Ganjangma umur muna, martamba-tamba nang angka nauli tu joloan ni arion.
2) Eme sitamba tua parlinggoman ni siborok;
Dilehon Tuhanta ma dihamu umur naganjang dohot tua, sai hot ma hamu diparorot.
3)
1) Tongka do mulak tata naung masak, mulak marimbulu naung tinutungan.
2) Tu duru ma hata mabuk, tu tonga hata uhum.
3) Ndang adong amporik na so siallang eme.
4) Ingkon sada do songon dai ni aek, unang mardua songon dai ni tuak.
5) Di ginjang bulung botik binoto do paetna, buni parsisiraan binoto ansimna.
6) Unang songon ulubalang so mida musu.
7) Diorong asu do na so ompuna, paniseon do halak di na so padanna.
8) Ndang piga halak sigandai sidabuan, alai godang sigandai hata.
9) Piltik ni hasapi do tabo tu pinggol, anggo piltik ni hata sogo do begeon.
10) Hata paduadua suminta parsalisian, hata patolutolu suminta parrosuan.
11) Ganjang pe nidungdung ni tangan, ganjangan dope nidungdung ni roha.
12) Molo iba maniop matana halakan maniop suhulna, aganan ma pinalua.
13) Santahu aek nuaeng, duan tahu aek marsogot, na santahu i do pareahan.
14) Ingkon martangga martordingan do songon paranak ni balatuk.
15) Sai martanda ma songon adian, marhinambar songon dolok.
1) Tinahu mual natio, binahen mai tu panguhatan;
Manang ahape natapangido, sai tibuma dipasaut Tuhan.
2) Poltak matani bulan, binsar matani ari;
Saluhutna ma hita dipasu-pasu Tuhan, hibul nang angka nasinari.
3) Lomakma Silinjuang lomak sibinaboan;
Sai tudia pe hita mangalangka, sai tusima hita dapotan pangomoan.
4) Habangma pidong sibigo, paihut-ihut Bulan;
Saluhutna natapangido, sai tibuma dipasaut Tuhan.
5) Asa tubuma hariara diholang-holang ni huta;
Dipadao Tuhanma sian hita angka mara, jala sai martamba-tambama angka pasu-pasu.
6) Jongjong di Purba tua, manatap tu panamparan;
Sai sahatma hita saur matua, Jala daoma sian hita angka parmaraan.
7) Dengke ni sale-sale, dengke ni Simamora;
Tambani nagabe, sai tibuma hita mamora.
8) Mardangka jabi-jabi, marbulung ia si tulan;
Angka ahape naniula ni tangan, anggiatma dipasu-pasu Tuhan.
9) Sibigo ambaroba, sitapi-tapi pidong Toba;
Mamasu-masuma Tuhanta pardenggan basa, gabema naniula,
Sinurma pinahan, martamba-tamba nang silasni roha.
10) Asa pitu goarni ari, sampulu dua goarni bulan;
Sai hipasma hamu tujoloan niarion huhut dipasu-pasu Tuhan.
11) Asa mardangka ma inna jabi-jabi. marbulung ia situlan;
Sude angka pangidoanta marhite tangiangta, saluhutna mai dipasaut Tuhan.
12) Aek natio riong-riong dipinggan pasu;
Naburjudo Tuhan Debata jala nagirgir masu-masu.
1) Bonani aek puli didolokni sitapongan;
Sai roma dihita angka nauli, jala sai dor ma angka pangomoan.
1) Tio aek ni sumur, ganjang aek ni bondar;
Sautma hita luhut siganjang umur jala sitorop pinompar.
Tu Natua-tua
1) Mangulama pangula disasapi gadu-gadu;
Ise naburju marnatua-tua, diramoti Tuhan jala dipasu-pasu.
Tu Pomparan
1) Asa hot ma panutuan, manutu pulung-pulungan;
Hotma hamu sude pomparan ni natua-tua on di Tuhan,
Jala tontongma hamu marsihaholongan.
2) Ditogu horbo tunggal laos mangihut horbo boru;
Marnangkok tuat do partuturan alani pangalapan boru.
1) Timbo dolok pusuk buhit, uli attong manatap tu tao Toba;
Daoma sian hita angka sahit, sai dapotma angka silas ni roha.
1) Sampinur ma tiang ni sakkotan, maranti batu bukkulan ni ruma;
Sinur ma napinahan, tu gabena naniula.
2) Dirura Parbuluan, didolok Parhotangan;
Dapot ma naniluluan, jumpang najinalahan.
3) Asa niarit ma tarugi bahen ihot ni pora-pora;
Sai dapot ma di hamu akka nauli, jala jumpang silas ni roha.
4) Bona ni pinasa sakkotan ni jomuran;
Di sude na niula ni tanganta saluhutna di pasu-pasu Tuhan.
5) Tabo Boras nipinasa na malamun dibonana;
Molo mamasu-masu hula-hula marhite tangiang tu Tuhanta pardenggan basa,
sinur ma na pinahan, gabe na niula, dao ma saluhut mara sahat hita tu na saur matua.
6) Bolon do dekke Toba, metmet ia pora-pora;
Sai sahat ma nasida gabe jala mamora,
Tumpahon ni Tuhanta pardenggan basa.
7) Binuat hau toras, bahen tiang ni sopo di balian;
Sai gabe ma hamu jala horas, tiur nang akka pansarian.
8) Marmutik tabu-tabu mandompakhon mataniari;
Sai hot ma di hamu akka pasu-pasu, sinur na pinahan gabe na niula, martamba tamba akka nauli.
9) Asa tano Pakkat bagak mai hatubuan ni assimun;
Sai martamba-tamba ma dihamu angka pangkat, horas-horas jala saur sahat tu napassiun.
10) Pitu bilangan ni ari, sampulu dua bilangan ni bulan;
Manang didia pe hita massari, disima hita dapotan parsaulian.
1) Nunga jumpang tali aksa; ihot ni ogung oloan
Nunga sidung sude hata, Jala takkas do hamu nadua hasuhuton masipaolo-oloan
2) Bulungni losa ma tu bulung ni pirdot, Bulung ni motung mardua rupa ;
Sude hatai ingkon ma taingot, unang ma adong hita na lupa.
Ingot-ingot... 3X
Umpasa Sisada Hata
1) Sada silompa gadong, dua sitiop puli,
Sada pe hita namandok hata, naung sudema hita taruli.
2) Sada silompa gadong, dua silompa ubi;
Molo sada pe hita namanghatahon, naung sudema hita mandok hata nauli.
3) Tandok muna do tandokhu;
Hata muna do nang hataku.
4) Hundul di goli-goli parluga solu bolon;
Molo sahalakpe napahibulhon hata nauli, naung sudema hita namanghatahon.
5) Lage-lagedo podoman, lage-lagedo bulusan;
Molo tung sahalak pe namangkatahon, naung ima sian hita nagabe utusan.
6) Tampunak ni Sibaganding didolok na Pandingdingan;
Horasma na marhaha maranggi molo tongtong marsipa iring-iringan.
7) Bonang sada hulhulan, hori sada simbohan;
Rampakma hita sahundulan, sadama hita nang diangka pandohan.
Umpasa Marsipasangapan Na Marhaha Anggi
1) Tinallik huling-huling tandos tu holi-holi;
Molo anggina namarulaon hahadoli ma nagabe panamboli.
2) Sanduduk do rantingna sandudukdo dangkana, alai sada do ianggo bonana;
Hatani haha do hatani anggina alai sadado ianggo hatana.
3) Marluga solu bolon marluga naopi-nopi;
Molo anggina namarulaon, hahadolima nagabe panamboli.
1) Nunga lambok pusu-pusu, sonang nang ate-ate;
Saluhutna ulini dohot holong ni rohamu, hudok hami ma mauliate.
2) Demban do napuran naniatup ni boruni raja;
Molo adong angka nahurang dipangalangka nami, nanget-nangetma amanta raja inanta soripada mangapuli.
3) Pinaulima sagu-sagu binahen tu pinggan pasu;
Denggan ni lagumu, sai Debatama namasu-masu.
1) Doding ni dodingkon, doding ni mandalasena;
Pasu-pasu napinasahat munai, sai unang ma muba unang sesa.
2) Naung sampulu sada ma jumadi sampulu tolu;
Angka pasu-pasu muna i sai anggiat ma padenggan ngolu-ngolu.
3) Topi ni aek Puli dalan tuhuta Tonga-tonga;
Sai sahatma pasu-pasu muna i, unang muba unang longa.
4) Songgop siruba-ruba tu dangka ni hapadan;
Angka pasu-pasu muna i sai dijangkon tondima dohot badan.
5) Mardangka jabi-jabi marbulung ia situlan;
Angka pasu-pasu munai, sude ma i dipasaut Tuhan.
6) Turtu ninna anduhur tio ninna lote:
Hata pasu gabe naung pinasahat muna, sai unangma muba sai unangma mose.
7) Pinauli sagu-sagu, binahen tu pinggan pasu;
Sude denggan ni rohamu, sai Debatama na mamasu-masu.
8) Habang pidong sibigo, paihut-ihut bulan;
Saluhut angka natapangido, sai tibuma dipasaut Tuhan.
9) Tinapu bulung nisabi, baen lompan ni pangula;
Sahatma pasu-pasu na nilehon muna i tu hami, Sai horas ma nang hamu hula-hula.
10) Mardakka Jabi-jabi, marbulung ia si Tulan;
Angka pasu-pasu napinasahat muna, sude mai dipasaut Tuhan.
11) Marmutik ma inggir-inggir, bulung nai rata-rata;
Hata nauli, hata pasu napinasahat muna, napasauthonma amanta namartua Debata.
12) Tingko ma inggir-inggir bulung nai rata-rata;
Hata nauli, hata pasu-pasu napinasahat muna, pasauthon ma Tuhan Debata.
13) Marmutik ma inggir-inggir, marparbue tada-tada;
Hata nauli, hata pasu-pasu napinasahat muna, sai anggiat ma attong dipasaut Tuhanta.
14) Aek marjullak-jullak, marjullak-jullak sian batu, Jullak-jullakna i pamasukon ma tu tabu-tabu;
Hata pasu-pasu sian hamu hula-hula nami, Ampuon nami ma i martonga ni jabu.
15) Aek marjullak-jullak, marjullak-jullak sian holang-holang ni batu, laos pinamasuk tu tabu-tabu;
Hata nauli, hata tangiang napinasahat munai tu hami, Ampuon nami ma i martonga ni jabu.
16) Naung sampulu pitu ma jumadi sampulu ualu;
Hata pasu-pasu sian hamu hula-hula nami, boanon nami mai martonga jabu.
17) Asa harbangan ma dalan tu huta, balatukma dalan tu jabu;
Hata pasu gabe napinasahat muna, huampu hami mai hot martongani jabu.
18) Naung sampulu pitu jumadi sampulu ualu;
Angka pasu-pasu muna i sai hot ma i ditonga ni jabu.
19) Marandorma assimun, marparbue antajau;
Angka hata nauli naung pinasahat munai, ampuon nami mai hot martonga ni jabu.
20) Tuat si puti nangkok sideak;
Ia i nauli ima tapareak.
21) Nunga lambok pusu-pusu, Sonang nang ate-ate ;
Saluhutna holongni rohamu, hudok hami ma mauliate.
22) Pinauli sagu-sagu, binahen tu pinggan pasu;
Saluhutna holongni rohamu, hudok hami ma mauliate.
23) Sahat-sahat ni solu, sahat ma tu bontean;
Leleng ma hita mangolu, Sahat tu parhorasan sahat tu panggabean.
Mauliatema di Tuhanta pardenggan basai dibornginon dinapatupa acara marria raja. Ima di nanaeng patotahon acara partuatni ina sian tonga-t...