Mandok Hata Pasahat Ulos Hela Dohot Mandar Hela

 

Di ho amang hela dohot di ho ito, boruku. Pasahaton nami ma tu hamu ulos herbang, ulos naganjang, ulos parhorasan. Herbangma tangan ni Tuhanta mamasu-masu parsaripeonmu.
Ganjang ma antong umurmu sahat tu nasaur matua. Ulos parhorasan maon, asa gabe di anak gabe diboru hamu, tumpakan ni Tuhanta pardenggan basai.
 
Asa dapotma di hamu songon hata ni umpasa.
“ Di ginjang ma arirang, di toru panggomgoman. Badanmu naso sirang, tondimuna masigomgoman. “
“ Giring-giring ma tu gosta-gosta, tu boras ni singkoru. Sai tibu ma hamu mangiring-ngiring, tibu mangompa-ompa anak dohot boru. “
“Sahat-sahat ni solu, sahat ma tu bontean tu tiga ras. Dipasahat hami ma ulos hela on. Sahat ma hamu leleng mangolu, gabe ma jala horas. “
 
Di hamu amang hela, dison mandar hela huampehon hami tu abaramu, martanda ma hamu helanami.
Asa unang marnaloja hamu mangulahon angka ulaon namasa ditonga-tonga ni angka hula-hulamu.
Horas

Read More

Mandok Hata Pasahat Ulos Parorot

 Mandok Hata Pasahat Ulos Parorot

Read More

Mandok Hata Pasahat Ulos Sihunti Ampang

 

Di hamu berenami dison rodo hami pasahathon ulos herbang tu hamu. Ima ulos sihunti ampang. Ulos naganjang, ulos nahapal, ulos sitorop rambu.
Sai ganjang ma antong umurmu dibagasan parhorasan. Sai lam tuhapalnama holong nirohamu mangoloi hula-hulamu.
Sai toropma pomparan dihamu sibahen lasni rohamu.
 
Jala songon hatani situa-tuama dohonon nami tu hamu.
“ Sitoropma dangkana sitoropma nang rantingna. Gabema jala mamora hula-hulana songonima nang boruna. “
“ Sahat-sahat ni soluma sahat tu bontean. Sai lelengma hamu mangolu, sahatma tu panggabean jala tu parhorasan. “
 
Parmusik nami ala naeng pasahathon nami ma ulos sihunti ampang on, bahen hamuma nahombar tusi.
Mauliate

Read More

Mandok Hata Pasahat Ulos Simanggokkon

 

Di hamu lae nami, dison rodo hami pasahathon ulos herbang tu hamu. Ulos simanggokkon ma digoari ulos on. Ulos naganjang, ulos nahapal, ulos sitorop rambu.
Sai ganjangma umurmu dibagasan parhorasan. Sai lam tu hapalna ma holong ni rohamu mangurupi natorasmu, nang mangalugahon parsaripeonmu.
Sai toropma pomparan dihamu sibahen las nirohamu.
 
Jala songon hatani natua-tuama dohonon nami tu hamu.
“ Sitoropma dangkana sitorop ma nang rantingna. Gabe jala mamora hula-hulana, songonima nang ianakhonna. “
“ Sahat-sahat ni solu sahatma tu bontean tu tiga ras. Sai lelengma hamu mangolu sahatma tu panggabean jala tu parhorasan. “
 
Amang parmusik nami. Ala naeng pasahathon nami ma ulos simanggokkon tu Lae Nami, bahen hamuma musik nahombar tusi.
Musik....

Read More

Mandok Hata Pasahat Ulos Pamarai

 

Di hamu amangboru nami dohot namboru nami dison rodo hami pasahathon ulos herbang, ulos pamarai tu hamu, ulos naganjang, ulos nabidang sitorop rambu.
Dalan nami mai mangido tangiang tu Tuhanta pardenggan basai. Sai ganjangma umurmu, sai dao ma parsahitan. Ulos nabidang maon, sai dilehon Tuhanta ma di hamu bidang angka parsaulian dohot pansamotani.
Asa sai tontong dibagasan hahipason jala dibagasan las ni roha hamu, sauduran angka namarhaha maranggi, marsitungkol-tungkolan songon suhat dirobean disude angka ulaon dohot namasa ditonga-tonga muna.
Ulos sitorop rambu ma ulos on, sai toropma pomparanmu tu joloan on. Jalo hamu ma ulos herbangon amangboru dohot namboru.
 
Asa songon hata ni situa-tua ma dohonon nami.
“Andor hadumpang ma togu-togu ni lombu, andor hatiti togu-togu ni horbo, sahat tu lapo gambiri. Penggengma hamu saur matua paihut-ihut pahompu sahat tu namarnini tu manarnono. Dipasu-pasu Tuhanta ma hamu. “
 
Las ma rohamu.  Musik.....

Read More

Mandok Hata Pasahat Ulos Passamot

 

Di hamu lae dohot ibotoku, pasahathon nami ma ulos passamot di hamu. Sai dipargogoi Tuhanta ma hamu mangalului passamotan dohot tu ngolu-ngolu siganup ari. Hipas-hipas ma hamu jala ganjangma umurmu, jala anju hamuma boruki nagabe parumaenmu.
 
Asa songon hata ni umpasa ma dohonom nami.
" Dolok ni purbatua tondong siborotan. Sai sahatma umurmu saur matua, jala tiur nang passamotan. "
" Marmutik ma lasiak dompak mataniari, malo maho ito manganju parumaenmi arian nang bodari. "
" Tubu ma tambisu dilambung ni pinasa. Sai torop ma dihamu anak nabisuk dohot angka boru nauli basa. "
 
Amang parmusik nami, ala naeng pasahaton ulos passamot ma hami tu laeku dohot ibotoku. Bahen damang ma nahombar tusi.

Read More

24 Angka Umpasa Batak

 

" 1. Sori manungkun, sori mandapot, Matua manungkun ma na ro tu na nidapot. "
" 2. Bangun-bangun sinuan, bangun-bangun do salongan; Molo na uli sinuan, laos na uli do jaloon. "
" 3. Sihampir gabe gambir, tandiang gabe toras; Tu dia pe so tampil, tung tu ahu aha pe so bolas. " 
" 4. Tangkas pe jabu suhat, tangkasan do jabu bona; Tangkas ma hita maduma, laos tangkas ma nang mamora. "
" 5. Nirimpu do gugutna, hape saitna; Nirimpu do burjuna, hape gaitna. "
" 6. Binsar ma mata ni ari,, poltak mata ni bulan; Sai horas ma angka lahi-lahi, sai horas nang angka parompuan. "
" 7. Pir do pongki, bahul-bahul pansalongan; Pir ma tondi, sai ro ma pangomoan. "
" 8. Marisap nama jo, manang beha hinatabona; Marpingkir nama jo, manang beha pangalahona. "
" 9. Hotang-hotang so dohonon, ansimun so bolaon; Hata na so sidohonon, tongka do paboa-boaon. "
" 10. Pusuk ni tobu na poso uram-uram ni situma; Sungkunon ma gogo tu na poso, ruhut adat tu natua-tua. "
" 11. Tuat ma pandurung, nangkok ma parsoban; Masidolosan pe tanggurung, tingka do masihaoran. "
" 12. Unang jolo siburinsak, asa pora-pora; Unang jolo hona insak, asa pinauba roha. "
" 13. Hotang pinabebe-bebe, hotang pinapulos-pulos, Ndang jadi iba mandele, ai godang do tudos-tudos. "
" 14. Naung indahan, tongka do dudaon, Naung ni oloan, tongka do juaon. "
" 15. Unang girgir mambau, anggo so binoto do mambibiri; Unang girgir iba marjabu, anggo so binoto do mamparabiti. "
" 16. Sinuan bagot, bagot marpilo-pilo; Jotjot do naung pangidoan, gabe mangido-ido. "
" 17. Bulung ni bulu do i, tu bulung ni hotang; Ia tundal sarupa musu, hape dompak sarupa dongan. "
" 18. Mangkuling taguk-taguk, di atas ni arirang; Hunsus na baru saut, bau na baru sirang. "
" 19. Daling ni dalingkon, masuak hodong ni bagot; Tading na tinadingkon, hape na nieahan pe so dapot. "
" 20. Nidanggur ambaroba, ambaroba na so ra hona; Bangko ni hita jolma, sai masiahut tu jolona. "
" 21. Molo tampil tu parsoburan, ingkon siat do tu panggatan; Molo tangkas do di partuturan, ingkon dohot do di parjambaran. "
" 22. Rande ampapaluan, pora-pora di salean; Raja do pangalu-aluan, na mora paulaean. "
" 23. Solot bulung hahombu, tu dangka ni arirang; Salang na marpahompu, adong do i na sirang. "
" 24. Marluga sitindaon, mangan hoda sigapiton; Tu jolo ni langkahon, tu pudi sinarihon. "

Read More

Umpasa Di Na Marhata Sinamot

 Link Video Youtube Umpasa Di Na Marhata Sinamot

" Sai jolo dinangnang do asa dinungnung. 

Sai jolo pinangan do asa sinungkun. 

Dia ma nuaeng langkatna, dia unokna;

Dia ma nuaeng hatana, dia nidokna. " 

Horas Ma Jala Gabe. Gabema Jala Horas

Read More