Mandok Hata Diparpunguan Malam Taon Baru

 Link Video  Mandok Hata Diparpunguan Malam Taon Baru

Mauliate ma parjolo dipasahat rohanta tu Tuhanta pardenggan basai, disiala denggan ni basana dohot asi ni rohana, natontong mandongani hita. Boi Hita taripar sahat tu taon naimbaru on ima tahun 2026 manalpuhon taon 2025, dibagasan hasehaton dohot las ni roha.
 
Nunga tung godang tutu angka namasa naung tadalani di taon 2025 ima, di las ni roha, dok ni roha dohot lan naasing.
 
Alai pangaramotion ni Tuhan do natontong mandongani hita. Boi hita marpungu dibornginon dibagasan hasehaton dohot las ni roha.
 
Sai anggiat ma tutu ditaon 2026 on tongtong ma pangaramotion ni Tuhan namandongani hita disude ulaonta dohot pardalanan ni ngolunta.
 
Dirajumi roha do tutu godang do panghataion dohot pangalaho niba nahurang di taon 2025 maradophon hamu. Ima parnijabu niba, simatua niba, lae niba dohot hita sude napungu dison.
 
Dibahen i salpuhon hamu mai sude sian bagas roha muna. Unang gabe i mangambati angka parsaoranta tu joloan ni arion.
 
Asa anggiat ma tutu taon 2026 on gabe taon las niroha maon dihita saluhutna, taon panjaloan pasu2. Jala taon dalanta rap mamuji pasangap Tuhani.
 
Mauliate

Read More

Hata Dinapasahathon Ulos Simanggokkon

Link Video Hata Dinapasahathon Ulos Simanggokkon

 

Di hamu lae nami, dison rodo hami pasahathon ulos herbang tu hamu. Ulos simanggokkon ma digoari ulos on. Ulos naganjang, ulos nahapal, ulos sitorop rambu. Sai ganjangma umurmu dibagasan parhorasan. Sai lam tu hapalna ma holong ni rohamu mangurupi natorasmu, nang mangalugahon parsaripeonmu. Sai toropma pomparan dihamu sibahen las nirohamu. Jala songon hatani natua-tuama dohonon nami tu hamu. Sitoropma dangkana sitorop ma nang rantingna. Gabe jala mamora hula-hulana, songonima nang ianakhonna. Sahat-sahat ni solu sahatma tu bontean tu tiga ras. Sai lelengma hamu mangolu sahatma tu panggabean jala tu parhorasan. Amang parmusik nami. Ala naeng pasahathon nami ma ulos simanggokkon tu Lae Nami, bahen hamuma musik nahombar tusi. Musik....

Read More

Contoh Mandok Hata Pasahathon Dengke Pihak Hula-hula

 Link Video Contoh Mandok Hata Pasahathon Dengke Pihak Hula-hula

Dison hami hula-hula muna pasahathon dekke simudur-udur, dekke tio, dekke sahat. Asa sauduran ma hamu tu dolok tu toruan, jala dekke tio asa tio ma mual inumon muna tujoloan on, jala dekke sahat, asa sahat ma nauli sahat ma nadenggan tuppahon ni Amatta Debata. 

Asa songon hata ni natua-tua ma dohonon nami:

"Sititip ma sihompa, golang golang pangarahutna. Tung songonon pe naboi tarpatupa hami, tu hamu rajani pamoruon nami marga Ompusunggu. Sai godang ma pinasuna."

Read More

15 Umpama Batak

Link Video 15 Umpama Batak

 

" 1. Tongka do mulak tata naung masak, mulak marimbulu naung tinutungan. " " 2. Tu duru ma hata mabuk, tu tonga hata uhum. " " 3. Ndang adong amporik na so siallang eme. " " 4. Ingkon sada do songon dai ni aek, unang mardua songon dai ni tuak. " " 5. Di ginjang bulung botik binoto do paetna, buni parsisiraan binoto ansimna. " " 6. Unang songon ulubalang so mida musu. " " 7. Diorong asu do na so ompuna, paniseon do halak di na so padanna. " " 8. Ndang piga halak sigandai sidabuan, alai godang sigandai hata. " " 9. Piltik ni hasapi do tabo tu pinggol, anggo piltik ni hata sogo do begeon. " " 10. Hata paduadua suminta parsalisian, hata patolutolu suminta parrosuan. " " 11. Ganjang pe nidungdung ni tangan, ganjangan dope nidungdung ni roha. " " 12. Molo iba maniop matana halakan maniop suhulna, aganan ma pinalua. " " 13. Santahu aek nuaeng, duan tahu aek marsogot, na santahu i do pareahan. " " 14. Ingkon martangga martordingan do songon paranak ni balatuk. " " 15. Sai martanda ma songon adian, marhinambar songon dolok. "

Mauliate.

Read More

Contoh Cara Pasahathon Tudu-Tudu Sipanganon Na Marmiak-miak Tu Hula-hula

 Link Video Contoh Cara Pasahathon Tudu-Tudu Sipanganon Na Marmiak-miak Tu Hula-hula

Read More

Hata Dinapasahathon Ulos Passamot

 Link Video Hata Dinapasahathon Ulos Passamot

Di hamu lae dohot ibotoku, pasahathon nami ma ulos passamot di hamu. Sai dipargogoi Tuhanta ma hamu mangalului passamotan dohot tu ngolu-ngolu siganup ari. Hipas-hipas ma hamu jala ganjangma umurmu, jala anju hamuma boruki nagabe parumaenmu.

Asa songon hata ni umpasa ma dohonom nami.

" Dolok ni purbatua tondong siborotan. Sai sahatma umurmu saur matua, jala tiur nang passamotan. "

" Marmutik ma lasiak dompak mataniari, malo maho ito manganju parumaenmi arian nang bodari. "

" Tubu ma tambisu dilambung ni pinasa. Sai torop ma dihamu anak nabisuk dohot angka boru nauli basa. "

Amang parmusik nami, ala naeng pasahaton ulos passamot ma hami tu laeku dohot ibotoku. Bahen damang ma nahombar tusi.

Read More

Mandok Hata Tu Keluarga Na Marhabot Ni Roha

 Link Video Mandok Hata Tu Keluarga Na Marhabot Ni Roha

Jumolo mandok mauliate ma hita tu Amanta pardenggan basa, disiala asi dohot holong ni rohana boi hita marhahipason ditingkion.

Dison rodo hami ima napasahatton hata pangapulion tu ina nami nang tu sude keluarga na adong di ingananon. Ima dinaung jumolo marujung ngolu ama natahaholongion. Sitaonon na borat jala nangotngot dijolma na mangolu ima sinirang ni 'hamatean'. Lumobi molo na monding i nahinaholongan ni rohanta. Alai ingot hamu ma inang dang pasombuon ni Debata sai tumatangis hamu, molo pe ngolunta di portibion madabu jongjong alai gumodangan do hita jongjong ala asini roha  sian Tuhan i. Sude do hita jolma ingkon mate molo jumpang tingkina. Sada pe sian hita dang adong na boi pasidinghon i. Alai pangidoanta, molo tung marujung pe nian ngolunta sian hasiangan on, asa jolo sahat ma nian hita tu na saur matua. Ima songon pangidoan dohot elek-elekta tu Tuhanta. Jala songon nidok ni umpasa :  " Ramba nisipoholon marduhut-duhut sitata. Las ni roha dohot sitaonon sude do sian Amanta Debata. Asa hau ni Gunungtua dangkana mardagul-dagul, tibuma dilehon Tuhanta dihamu tua jala tibu hamu di apul-apul. " Asa holan dibagasan Jesus do jumpang las niroha na manontong,  jala Ibana do pasohon ilu-ilu sian mata ni angka na tumatangis, jala na mangalean apul-apul alani parsorion. Antong tapuji ma Debata dingolunta, margogo ma hita jala marpanindangion. Unang be sai lalap diparlalapan. Sai tontong marhaporusan tu Tuhan ni ma hita, ai dang adong naso tarpatupa ni Debata. Jadi di hamu inang dohot sude sisolhot na tininggalhon ni damang na tahaholongi on, pabulus ma roha muna dipanadingkon ni ama na tahaholongi on.   Jala nagabe hata ni Debata sitiopan muna ima natarsurat di Pilippi 1:21 ima namandok;         “Ai Kristus do hangoluan di au, jala laba do nang hamatean”. Songonima songon hata apul-apul sian hami. Sai anggiat ma tibu tarapul rohamuna. Mauliate.

Read More

Hata Mangampu Sian Bona Hasuhuton Ulaon Saur Matua

 Link Video Hata Mangampu Sian Bona Hasuhuton Ulaon Saur Matua

Di amanta raja, inanta soripada naliat nalolo. Di na manghaholongi hami bona ni hasuhuton dibagasan tikkion. Raja nami tulang nabasa. Dihamuna saluhutna horong ni hula-hula dohot tulang nami. Mauliate malambok pusu do pasahaton nami di hamuna.

Di naung tangkas attong hata togar-togar, hata pasu. Naung pinasahat muna tu hami ianakhon muna, tarlumobima di hasuhuton. Suang songonima attong di keluarga ni dainang nami, na tangkas ditinggalhon dainang on dibagasan tingkion. Sai anggiat ma attong martinangi, marbinege amanta namartua Debata. Saluhutna attong dipasauthon ma parbue ni tangiang muna i raja nami. Tarlumobi ma attong dihamuna hula-hula nami, tulang nami, tulang rorobot, suang songoni attong di angka pariban nami na ro mandapothon hami di tingkion. Pasahathon hata togar-togar. Sai anggiat ma attong saluhutnai manogari saluhutna keluarga. Songoni ma attong raja nami dibagasan tingkion. Tung mansai dokdok do attong saluhutna panghilalaan nami, ianakhon muna. Songon udan na so hasaongan, lombang na so boi timbungon, binanga na so boi langean, diparlao ni ina nami dibagasan tingkion. Raja nami tulang nabasa, nang tu hamuna saluhutna tontong do hami marpangidoan tu hamu. Asa gomos boan hamu tong keluarga nami on di tangiang muna. Songonima dihita namardongan tubu. Mauliate do pasahaton nami dihamuna saluhutna dibagasan tingkion. Na tangkas dipatuduhon hamu attong sisada panghilaan do hita dibagasan sadarion. Ima attong diparlao ni dainang on. Na tontong diparsaulihon hamu angka tingki muna na argai dibagasan tingkion. Didongan-dongani hamu hami bona ni hasuhuton. Raja ni dongan tubu, sian Tuhanta ma attong parbueni i dapot muna. Dang tarbaloshon hami i saluhutna. Holan hata mauliate do naboi hupasahat hami. Asa dohonon ma songon hata ni situa-tua : “ Horbo sitingko tanduk, tu sisapang naualu, parbutuha mangalilit parmata mangalu-alu. Dibalianma attong i marjampal, dihuta marngalu-alu. Hata nauli hata nadenggan, natangkas attong pinasahat munai raja bolon. Ampu ma attong, tuhukma tong diampuan nami. “ “ Asa naung sampulu pitu jumadi sampulu ualu. Hata nadenggan natangkas pinasahat muna, jala hata togar-togar na dipasahat hamu dibagasan tingkion. Tangkas ma attong raja nami. Huampu hami martonga ni jabu. “ Horas jala gabema dihamu saluhutna hula-hula, tulang nami, suang songoni dongan tubu. Tarlumobima di hamu dongan sahuta nami. Mauliate godang ma hupasahat hami. Botima.

Read More

Contoh Hata Mangapuli Sian Punguanni Hula-Hula

 Link Video Contoh Hata Mangapuli Sian Punguanni Hula-Hula

Mauliate ma tapasahat tu Tuhanta pardenggan basa siala asi dohot holong ni rohaNa boi hita marhahipason di apala ombason. Dison ro do hami sian punguan ni hula hula muna pasahathon hata pangapulion tu hamu iboto nami nang tu sude keluarga siala naung jumolo dialap Tuhanta lae nami nahinan, Huhilala roha nami do ito sitaonon na borat jala na dokdok do on di hamuna, alai ingot hamu ma ito dang pasombuon ni Tuhani hamu sai tumatangis sai na ramotanna do hamuna. Adong do hata ni natua-tua mandok, " Sarindan ni pinasa tano-tano hapadan. Namanginjan do di hosa, tano do nampuna badan. Alai tondinta mulakdo tu Tuhanta pardenggan basa. " Alani ondihon hamuna ngolu muna tu Tuhanta. Asa ibana namandongani jala mangaramoti hamuna. Songon nidokni natua-tua ma dohonon nami: " Borhatma pangula las hundul digadu-gadu. Taondihonma ngolunta tu Tuhanta pardenggan basa. Asa tibu ro silas ni roha jala hot hita dipasu-pasu. " " Hau ni gunung tua dangkanai mardagul-dagul. Sai dilehon Tuhanta dihamu tua. Jala tibu hamu di apul-apul. " Songonima songon hata mangapuli sian hami hula-hula muna. Mauliate.

Read More

Mandok Hata Huhuasi Sian Paranak, Acara Pamasu-masuon di Gareja

 Link Video Mandok Hata Huhuasi Sian Paranak, Acara Pamasu-masuon di Gareja

Di amanta raja, inanta soripada naliat nalolo. Di na manghaholongi hami bona ni hasuhuton dibagasan tikkion. Raja nami tulang nabasa. Dihamuna saluhutna horong ni hula-hula dohot tulang nami.

Mauliate malambok pusu do pasahaton nami di hamuna. Di naung tangkas attong hata togar-togar, hata pasu. Naung pinasahat muna tu hami ianakhon muna, tarlumobima di hasuhuton. Suang songonima attong di keluarga ni dainang nami, na tangkas ditinggalhon dainang on dibagasan tingkion. Sai anggiat ma attong martinangi, marbinege amanta namartua Debata. Saluhutna attong dipasauthon ma parbue ni tangiang muna i raja nami. Tarlumobi ma attong dihamuna hula-hula nami, tulang nami, tulang rorobot, suang songoni attong di angka pariban nami na ro mandapothon hami di tingkion. Pasahathon hata togar-togar. Sai anggiat ma attong saluhutnai manogari saluhutna keluarga. Songoni ma attong raja nami dibagasan tingkion. Tung mansai dokdok do attong saluhutna panghilalaan nami, ianakhon muna. Songon udan na so hasaongan, lombang na so boi timbungon, binanga na so boi langean, diparlao ni ina nami dibagasan tingkion. Raja nami tulang nabasa, nang tu hamuna saluhutna tontong do hami marpangidoan tu hamu. Asa gomos boan hamu tong keluarga nami on di tangiang muna. Songonima dihita namardongan tubu. Mauliate do pasahaton nami dihamuna saluhutna dibagasan tingkion. Na tangkas dipatuduhon hamu attong sisada panghilaan do hita dibagasan sadarion. Ima attong diparlao ni dainang on. Na tontong diparsaulihon hamu angka tingki muna na argai dibagasan tingkion. Didongan-dongani hamu hami bona ni hasuhuton. Raja ni dongan tubu, sian Tuhanta ma attong parbueni i dapot muna. Dang tarbaloshon hami i saluhutna. Holan hata mauliate do naboi hupasahat hami. Asa dohonon ma songon hata ni situa-tua : “ Horbo sitingko tanduk, tu sisapang naualu, parbutuha mangalilit parmata mangalu-alu. Dibalianma attong i marjampal, dihuta marngalu-alu. Hata nauli hata nadenggan, natangkas attong pinasahat munai raja bolon. Ampu ma attong, tuhukma tong diampuan nami. “ “ Asa naung sampulu pitu jumadi sampulu ualu. Hata nadenggan natangkas pinasahat muna, jala hata togar-togar na dipasahat hamu dibagasan tingkion. Tangkas ma attong raja nami. Huampu hami martonga ni jabu. “ Horas jala gabema dihamu saluhutna hula-hula, tulang nami, suang songoni dongan tubu. Tarlumobima di hamu dongan sahuta nami. Mauliate godang ma hupasahat hami.

Botima

Read More

Contoh Hata Mangapuli Sian Dongan Sahuta

 Link Video Contoh Hata Mangapuli Sian Dongan Sahuta

Santabi godang di loloan na marhabot ni roha. Mauliate ma di Tuhanta boi do pe hita marpungu di ombason nang pe hita dibagasan habot ni roha. 

Di hamu inang dison rodo hami dongan sahuta muna patuduhon na sisada sitaonon do hita, ima naung jumolo dialap Tuhanta amanta nahinan sian tonga tonganta. Huboto hami do inang, tung mansai borat jala lungun do roha molo ro sitaonon sisongonon. 

Alai, pos do roha nami na ikkön salpu do sudena i jala tumibu ma hamu inang tarapul. 

Hata ni natua tua mandok:

" Sarindan ni pinasa tu napuran tano-tano. Na manginjam do di hosa, anggo pamatang ikkon do tu tano. Alai anggo tondi mulak do tu Debata nampunasa. "

Sai dipasu pasu jala di ramoti Tuhan ma hamu inang laho marmudu mudu akka dakdanahi. Gomos ma hamu martangiang asa unang lilu roha muna. Tuhani ma bahen hamuna haporusan muna. 

Dapot ma di hamuna songon nidok ni natua tua. 

" Tinapu bulung siarum bahen uram ni pora pora, na hansit i tibu ma malum, jala tibu ro silas ni roha. "

Mauliate.

Read More

18 Umpama dohot Umpasa Molo Mangalehon Poda

 Link Video 18 Umpama dohot Umpasa Molo Mangalehon Poda

" 1. Molo litok aek di toruan, tingkiron ma tu julu. "

" 2. Unang songon taganing marguru tu anakna. " "3. Tiniptip sanggar bahen huru-huruan; Jolo sinungkun marga, asa binoto partuturan. " " 4. Pantun do hangoluan, tois hamagoan. " " 5. Hotang binebe-bebe, hotang pinulos-pulos, Na hombar pinahombar, na tudos pinatudos. " " 6. Tangan do botohon, ujungna jari-jari; Bangko ni hata do dohonon, asal jumolo marsantabi. " " 7. Ndang tarunsat tanduk sian horbo. " " 8. Birong pe parsisiran di jabu do ingananna; Bontar pe anak ni hambing, di bara do ingananna. " " 9. Eme na masak digagat ursa; Ba i na masa, molo denggan, ba i ma niula. " " 10. Suak-suak ni porda, angar-angar ni sarune; Ingot ma ho di poda doshon sisolhot do tamue. " " 11. Gakgak halimponan, unduk dapotan. " " 12. Unang songon tortor ni Nansengkang; asa haru sangkang, rais hae-haena. " " 13. Unang binahen ale-ale tu na potpot togu-togu tu na bagas. Lapatanna: unang songon na mangurupi hape mangarugihon. " " 14. Unang halak-halahi lombang, hotorhotori na niulang. " Lapatanna: mangkalojahon na so marguna. " 15. Ndang jadi pos roha marhalang ulu saganon. " Lapatanna: membiarkan yang berbahaya. " 16. Marbagi di na otik, mardua di na godang. " " 17. Ndang tarpaninggalahan bara tarparulos sangkotan. Lapatanna: ndang tarpangasahon be hamoraon na adong hian hape ndang adong be. " 18. Ndang tarungkit batang batu, tarharhari puduan mate. " Lapatanna: ndang tarula na so "mungkin". Songonimajo umpama dohot umpasa poda naboi pinasahat. Mauliate

Read More

Mandok Hata Ditikki Mamasuhi Jabu

 Link Video Mandok Hata Ditikki Mamasuhi Jabu

Mauliate ma tapasahat tu Tuhanta pardenggan basai. Ala dipasu-pasu jala di iring-iring do hamuna boi sikkop pauli bagas munaon. 

Anggiatma gabe bagas partangiangan, hatubuan ni anak, hatubuan ni boru, naolo nangihut naolo pangihutan. 

Sai hotma di batuna gomos nang di hassing-hassingna. Sai manghirap ma sian nadao, manjou sian najumonok akka passamotan ro tu hamu. 

Manggomgom ma nang dinasa pangisina. Didongani Tuhan i ma hamu haruar nang bongot manginani sibaganding tua munaon.

Dapotma dihamu songon nidokni umpasa:

“ Panggu do panggisgis, pangko nibagot bahen hauna. Jabunta on ma naso ra tiris, huhut natogu dibatuna. duru di hauna, panuanan ni sangge-sangge. “

Sahatma hamu saur matua mangingani jabunta on. Huhut horas jala gabe.

“ Andorras ma tu andorris, tu andorni purba tua. Sai horasma hamu sai torkis, mangingani jabunta on. Gabe jala saur matua. “

Songonima hata naboi pinasahat. Mauliate.

Read More

Hata Dinapasahatton Tintin Marangkup

Link Video Hata Dinapasahatton Tintin Marangkup

Horas ma jala gabe, gabe ma jala horas. Mauliate ma di Tuhan, mauliate ma nang di hita saluhutna. Di hamuna haha parhundul nami,

Hata ni natua tua mandok: “ Tabo boras ni salak, angur boras ni pinasa. Hamu ma attong tulang ni anak ni paranak, hami ma na gabe hula hula. “ “ Dangka ni hau dulang, binahen panjomuran ni rere. Sai hot do i boru ni tulang, tung boru ni ise pe i dialap bere. “ Marhite sian i ma rajanami ro hami mandapothon hamu tulang ni hela nami, ima beremuna. Pasahathon sinamot ni borutta naung hujalo hami hombar tu hata na mandok. “ Tubu ma singkoru jonok tu simarlasuna. Molo nunga ni jalo tuhor ni boru ikkon pasahaton ma attong jambar ni haha parhundul niba. “ Attong rajanami di sinamot ni borutta na godangi asa rap makkalasson jala marsaulihon ma hita. Asa on pe. “ Sititip ma sigompa golang golang pangarahutna. Tung songoni pe sinamot ni borutta naboi hupasahat hami sai godang ma pinasuna. “ Mauliate.

Read More

Hata Dinapasahathon Ulos Hela

 Link Video Hata Dinapasahathon Ulos Hela

Di ho amang hela dohot di ho ito, borungku. Pasahaton nami ma tu hamu ulos herbang, ulos naganjang, ulos parhorasan. Herbangma tangan ni Tuhanta mamasu-masu parsaripeonmu.

Ganjang ma antong umurmu sahat tu nasaur matua. Ulos parhorasan maon, asa gabe di anak gabe diboru hamu, tumpakan ni Tuhanta pardenggan basai. Asa dapotma di hamu songon hata ni umpasa. Di ginjang ma arirang, di toru panggomgoman. Badanmu naso sirang, tondimuna masigomgoman. Giring-giring ma tu gosta-gosta, tu boras ni singkoru. Sai tibu ma hamu mangiring-ngiring, tibu mangompa-ompa anak dohot boru. Sahat-sahat ni solu, sahat ma tu bontean tu tiga ras. Dipasahat hami ma ulos hela on. Sahat ma hamu leleng mangolu, gabe ma jala horas. Di hamu amang hela, dison mandar hela huampehon hami tu abaramu, martanda ma hamu helanami. Asa unang marnaloja hamu mangulahon angka ulaon namasa ditonga-tonga ni angka hula-hulamu. Horas

Read More

Hata Mangapuli Sian Punguanni Hula-Hula

 Link Video Hata Mangapuli Sian Punguanni Hula-Hula

Mauliate ma tapasahat tu Tuhanta pardenggan basa siala asi dohot holong ni rohaNa boi hita marhahipason di apala ombason. Dison ro do hami sian punguan ni hula hula muna pasahathon hata pangapulion tu hamu iboto nami nang tu sude keluarga siala naung jumolo dialap Tuhanta lae nami nahinan,

Huhilala roha nami do ito sitaonon na borat jala na dokdok do on di hamuna, alai ingot hamu ma ito dang pasombuon ni Tuhani hamu sai tumatangis sai na ramotanna do hamuna. Adong do hata ni natua-tua mandok, Sarindan ni pinasa tano-tano hapadan. Namaminjan do di hosa, tano do nampuna badan. Alai tondinta mulakdo tu Tuhanta pardenggan basa. Alani ondihon hamuna ngolu muna tu Tuhanta. Asa ibana namandongani jala mangaramoti hamuna. Songon nidokni natua-tua ma dohonon nami: Borhatma pangula las hundul digadu-gadu. Taondihonma ngolunta tu Tuhanta pardenggan basa. Asa tibu ro silas ni roha jala hot hita dipasu-pasu. Hau ni gunung tua dangkanai mardagul-dagul. Sai dilehon Tuhanta dihamu tua. Jala tibu hamu di apul-apul. Songonima songon hata mangapuli sian hami hula-hula muna. Mauliate.

Read More

Umpasa Tingki Mangapuli

 Link Video Umpasa Tingki Mangapuli

" Ramba ni Sipoholon marduhut-duhut sitata. Las ni roha dohot sitaonon sude do i sian Amanta Debata. "

" Asa Hau ni Gunungtua, dangkana mardagul-dagul. Tibu ma dilehon Tuhanta dihamu tua, jala tibu hamu diapul-apul. " " Hotang binebebebe, hotang pinilos-pulos. Unang iba mandele, ai godang do tudos-tudos. " " Hotang benebe-bebe, hotang ni Siringkiron. Unang iba mandele, ai godang dope sihirimon. " " Dolok ni Simalungun ma tu dolok ni simamora. Sai salpu ma angka na lungun, hatop ma ro silas ni roha. " " Hariara madungdung pilo-pilo najagar. Sai tadingma nalungun, ro ma najagar. "

Read More

Mandok Hata Tu Keluarga Na Marhabot Ni Roha

 Link Video Mandok Hata Tu Keluarga Na Marhabot Ni Roha

Jumolo mandok mauliate ma hita tu Amanta pardenggan basa, disiala asi dohot holong ni rohana boi hita marhahipason ditingkion.

Dison rodo hami ima napasahatton hata pangapulion tu ina nami nang tu sude keluarga na adong di ingananon. Ima dinaung jumolo marujung ngolu ama natahaholongion. 

Sitaonon na borat jala nangotngot dijolma na mangolu ima sinirang ni 'hamatean'. Lumobi molo na monding i nahinaholongan ni rohanta.

Alai ingot hamu ma inang dang pasombuon ni Debata sai tumatangis hamu, molo pe ngolunta di portibion madabu jongjong alai gumodangan do hita jongjong ala asini roha  sian Tuhan i.

Sude do hita jolma ingkon mate molo jumpang tingkina. Sada pe sian hita dang adong na boi pasidinghon i.  Alai pangidoanta, molo tung marujung pe nian ngolunta sian hasiangan on, asa jolo sahat ma nian hita tu na saur matua. Ima  songon pangidoan dohot elek-elekta tu Tuhanta. Jala songon nidok ni umpasa : 

" Ramba nisipoholon marduhut-duhut sitata. Las ni roha dohot sitaonon sude do sian Amanta Debata. "

" Asa hau ni Gunungtua dangkana mardagul-dagul, tibuma dilehon Tuhanta dihamu tua jala tibu hamu di apul-apul. "

Asa holan dibagasan Jesus do jumpang las niroha na manontong,  jala Ibana do pasohon ilu-ilu sian mata ni angka na tumatangis, jala na mangalean apul-apul alani parsorion.

Antong tapuji ma Debata dingolunta, margogo ma hita jala marpanindangion. Unang be sai lalap diparlalapan. Sai tontong marhaporusan tu Tuhan ni ma hita, ai dang adong naso tarpatupa ni Debata.

Jadi di hamu inang dohot sude sisolhot na tininggalhon ni damang na tahaholongi on, pabulus ma roha muna dipanadingkon ni ama na tahaholongi on. Jala nagabe hata ni Debata sitiopan muna ima natarsurat di Pilippi 1:21 ima namandok.

     

  “Ai Kristus do hangoluan di au, jala laba do nang hamatean”.

 Songonima songon hata apul-apul sian hami. Sai anggiat ma tibu tarapul rohamuna.

 Mauliate.

Read More